عملاق من نور

السلام عليكم

بداية حلمي كنت في منطقة بيضاء مالها نهاية ابداً كأني بعالم آخر لكن فااارغ وابيض فجأة لقيت فتحه او مخرج من المكان ، رحت له لقيت نفسي بمكان مرتفع اعتقد انه فوق وادي ، كان الوقت حول الفجر لأن ضوء الشمس مو سااطع اطلاقاً ونور الشمس خافت ، شفت على يساري قدام
( شمال غربي ) شخصين اول واحد كان عملاق يشع نور من كل جسمه حتى ملابسه من نور لكن مو ساطع او يعمي العين او حتى يجهر البصر ( يعني مو مثل ضوء الشمس او فلاش الكامرة ) اشوف وجه العملاق لكن بدون ملامح واضحه كأنه حاجز او ستار او قناع ، والثاني كان انسان عادي ( رجل ) الرجل كان معطيني ظهره فعشان كذا ما شفت ملامح وجهه ، كانو يتكلمون مع بعض لكن ما ادري وش كانو يتكلمون عنه لأني كنت بعيد عنهم شوي ، فجأة لاحظ وجودي العملاق وألتفت شافني ، انا خف وجريت بجهة اليمين بهرب منه وخايف ، بلمح البصر فجأة جا العملاق قدامي وكان يناضرني طحت على ظهري وجلست اناظره فتره وانا خايف ومرعوب وبعدها قمت من الحلم



والغريب انه من نوور لكن ما يؤذي العين زي النور العادي

اخوي انت ملتزم ؟ وكيف التزامك
وش تتابع ماهي اهتماماتك؟

مو مره ملتزم ،
ممكن توضح وش اتابع ، وايس اهتماماتي ؟
ما فهمت سؤالك

وش مذهبك وش تقراء لمن تقراء

مذهبي ؟
سني - حنبلي

بالنسبة للقراءة
زين اذا قريت كتب المدرسة !!

اخوي اسأل لعل يتبين لي شيء او للمعبرين بالمنتدى

اتوقع الرموز مالها دلاله
الرؤيا كلها تدل على هدايه لك فقط

هل تجادل اشخاصا في المنتديات او المواقع ؟

وماهي طبيعة المواضيع ؟

نعم اجادل في اليوتيوب ^^

اتجادل دائماً مع الملحدين

والحوار او طبيعة المواضيع ( هل يوجد إله ؟ )

اجابتي نعم وهم لهم اجابتهم الخاصة لا اريد قولها ^^

وأيضاً مرات اتجادل مع الشيعة لكن ناادر و قلييل جداً

إن صدقت الرؤيا ينالك بعض التقريع من شخص ماسوني تجادله في هذه المواقع. لعلك تتطلع للتدخل بينه وبين آخر فيغضبه ذلك ويلومك ويقرعك كثيرا بعدم اطلاعك وسعة علمك. والله أعلم

(التعبير ضني وهو بين احتمالين فإما أن يكون أو لا يكون)

وش معنى تقريع ؟ وليه يقرعني ونتقرع ؟

الموضوع فيه قرع كثير ، تكفى لو سمحت اخوي بسط كلامك عشان افهمك

=)