القمر اكبر من حجمه

رأيت اني في سيارة اخي راكبه ورا واخوي وهو و زوجته راكبين قدام وكأننا نمشي بالسياره في نص الليل والجو مظلم جدااا جداا والناس كلهم نايمين وكنا كأننا نمشي في سور بيتنا بالسياره وفجأه رأينا القمر بالسماء كان كبير جدا جدا وقريب جدا وماخذ تقريبا نصف حجم السماء من كبره وكان كأنه قمر يوم 1 او 2 او 3 وقلت لاخوي وقف وقف بصوره بطلع جوالي واصوره لانه ظاهره غريبه اول مره تصير لكن اخوي ماوقف ومشينا كملنا الطريق وسويت نفسي كأني صورته عشان ماتفرح علي زوجة اخوي ان اخوي ماعطاني وجه
وكانت زوجة اخوي ساكته ومتكبره كالعاده وزي الي ناقده علي اني بصوره بعدها لفينا للحوش الكبير واخوي وزوجته مدري وين راحوا وانا رأيت ان الحوش مخيف جدا وكأن فيه ناس عند حفرة البركه بالحوش يرمون فيها شي وكنت خايفه جدا منهم وواضح انهم يكيدون مكيده
بعدها كأن فيه احد بالحوش وانا واختي نبي نسكر الباب الداخلي لاننا خايفين ومارضى يسكر لكن بالاخير سكر لاننا تعاوننا على الباب وسكرناه
بعدها كاني شفت اني واختي بنروح مستوصف او صيدليه ورحنا على رجولنا ودخلناها لكن مالقت اختي الي تبي وجينا بنرجع قالت اختي بقطع الشارع بروح للصيدليه الي بالشارع الثاني وانا قلت لها شلون ياخبله خطر يمكن تصدمنا سياره قالت ماعلي ماراح يصير شي وقطعنا الشارع وحنا نقطع كأن فيه احد احبه وافكر كيف اقوله احبك وودي اقعد بحضنك واحس هالكلمتين كنت مجبوره غصبن عني اقولها وافكر كيف اقولها وبنفس الوقت حاسه بخطر لو قلتها لانها غلط اقولها لشخص مو زوجي ولا خطيبي واهلي مايدرون وقطعنا الشارع وخلصنا وماصار لنا شي وانتهى الحلم

هل تعانين من عارض شيطاني مس أو عين او حسد أو صرع ؟

وهل لكم برنامج رقية شرعية .

وهل هو عن طريق راقٍ شرعي ؟ او اهلك ؟ او ترقين نفسك بنفسك ؟

نعم انا مسحوره

وليس لي برنامج رقيه شرعيه
الحلم رأيته في رمضان وكنت معتمده على صلاتي وعبادتي في رمضان بنية العلاج
كنت قد تعالجت عند رقاه من قبل لكن لم استمر معهم لظروف المواصلات