عندي سؤال للمعبرين

السلام عليكم

انا كنت بدخل على منتدى و اكتب فيه الاحلام
و دلوقتي شفت الاحلام دي . فيه منها فكراه بالظبط و فيه منها مش فكراه خالص غير لما قريته و مفتكرتهوش اوي


هل الاحلام اللي مش فكراها دي تبقى اضغاث احلام و لا لأ

و فيه احلام من اكتر من 10 سنين و فكراها بالظبط من غير ما اكتبها في اي مكان دي كدة تبقى رؤية ؟

زي مثلا الحلم ده بتاريخ تقريبا 9- 2012

انا من اسبوع تقريبا حلمت اني في مكان جنب بيت بابا و بعدين ولد صغير اسمه ابراهيم ( جارنا في الحقيقة عند بيت زوجي ) اخدت مني مضرب شكل مضرب لعبة ( شكل مضرب الركت ) تقريبا كان بتاع صحبتي و جري وانا جريت وراه و قولتله رجعه يا هيما ده مش بتاعي راح طلع عمارة وانا مقدرتش اطلع وراه فقولتله انا هقول لمامتك انك سرقت المضرب مني قالي لأ انا مسرقتوش انا هلعب بيه وارجعه قولتله انت سرقته ( علشان مامته تسمع ) وانا راجعة مكاني تاني لقيت توفيق عكاشة و في ايده قماشة صفرا ( في الحقيقة القماشة دي بنفض بيها ) كان عايز يكتم نفسي بيها اكنه هيغطفني و بعدين كان في مجموعة اكنهم اصحابي اخدتني منه راح توفيق قالي مش هتعرفي تهربي و انا ماشية معاهم لقيت تعبان كبير جدا ماشي ناحيتنا فخوفت فرجعت تاني لتوفيق عكاشةراح ضحك و ببص على اصحابي لقيتهم ماشين عادي اكن مفيش تعبان و مشيوا من غير مايشوفوه فقولت في نفسي ده تلاقيه جن و بعدين لاقيت ناس كتير حولي مش عارفاهم والتعبان كان منهم بس معرفش مين فيهم و لقيت واحدة اكنها صحبتي قولتلها خلصيني من الناس دي والتعبان انا هتصرف معاه راحت صرخت كل الناس اختفت ما عدا واحدة ومعاها ولد صغيرتقريبا 5 سنين و ولد تاني اكبر منه فبدأت أٌقرأ اية الكرسي ورفعت صباعي وشاورت على السما و قولت الله راحت الست اغمى عليها فكملت الله لا إله الا هو الحي القيوم لا تأخذه سنة ولا نوم ) و الولد الكبير اللي كان مع الست بيقرأ معايا فعند كلمة سنة قرأها بطريقة غريبة مش زيي ففكرت شوية هي بتنطق ازاي وبعدين كررتها تاني و صحيت من النوم كانت صلاة الفجر هتروح عليا

=======================

انا مش فكراه خالص مش فاكره منه غير اني قرأت اية الكرسي و الولد الصغير عندما قرأ كلمة سنة بطريقة غريبة

الله اعلم ربما حديث نفس و الله اعلم

جزاكي الله خير