هموت من الرعب

ابني توفي من فترة قريبه عمره اقل من سنة شوفت حلمين  ارجو تفسيرهم
الحلم الاول
كاني واقفة في بلكونة حماتي وارتدي طرحة بيضاء وبينزل منها زي لولي او خرز مدور وبينور وبنت خاتي كانت واقفت تحت وبتحاول تمسك اللي بينزل من الطرحة ولكن غالب ظني انها لم تمسك   شيئاوجدت السماء بينزل منها كيوي كتير وبعدين دخلت جوة فوجدت خالتي بتلعب مع ابني ودا احساس مني ولكني لم اري خالتي وكان ابني بيضحك معاها
الحلم الثاني
كاني واقفة تحت بيت جدتي ونزل من البيت ممثلة ولكني لم اعرفها وكانت ترتدي لبس اخضر وكان شعر قصير وكانت حزينة شوية وكاني كنت بعزيها في بنتها التي مانت ولكني وجدت بنت صغيرة ترتدي ايضا لبس اخضر وكانها هي بنتها فقلت مش المفروض انها ميتة ازاي هي صاحية وقبلتها وفجاة لقيت نفسي شايلة ابني المتوفي علي كتفي وكان في الشارع حوض استالس فابني راح مرجع شوية  صغيرين فيه ورجع زي دوا وفجاة لقيت نفسي علي سرير امي وابني في كرتونة صغيرة ومتغطي بغطا الكرتونة وانا عمالة اقول انا هرفع الغطا جايز ابني مش مات جايز يكون عنده غيبوبه وهوه نابيم وفعلا رفعت الغطا لقيته نايم علي جنبه اليمين