حلم غريب

السلام عليكم
حلمت بالامس مش فكراه اوي
اللي فكراه منه اكني بسمع حديث عن الرسول صلي الله عليه وسلم اوله (خير لي ان امشي خلف جنازة ………………………………)
و بعدين قرأت سورة
تبت يدى ابي لهب و تب ما اغني عنه ماله و ما كسب
و بعدين مكتوب او قرأت اية مش فكراها اوي بس اعتقد فيها (بما كسبت ايدي الناس )


ملحوظة :الحديث الاول مش متذكراه او انه لم يكن مكتوب بالكامل و مش فاكرة سورة المسد كان مكتوبة كلها ام لا
و الكلام كان مكتوب و انا قرأته

انا امبارح كنت في لجنة شفوي بمتحن . و قبل ما ادخل اللجنة افتكرت الحلم . فقلت يمكن المفروض اقرأ سورة المسد قبل ما ادخل امتحن . قرأتها كذا مرة و كانت في نيتي اقرأها سبعة . لكن ما اعرفش قرأتها كام مرة
و لما دخلت اللجنة كان فيها ١٠ اشخاص كان واحد فقط اللي بيسأل و الباقي كان كرقابة علي نزاهة الامتحان تقريبا
و كنا ٦ هنمتحن فاللي بيسأل كان بيسأل عن مكان اقامتنا . ف واحدة من اللي معانا قالتله انها ساكنة جنب كذا (شخص يعرفه ) و هو اللي قالها قدمي و قوليلهم انك من كذا
فقعد يسألها و كانت اسئلة تجاوبها صح و اسئلة غلط . انا قلت لما يخلص معاها هيسأل الباقي . ر اح لما خلص معاها . قلها ممتازة . و قال كفاية كدة . مع السلامة
و الناس اللي معايا اكنهم ما صدقوا و خرجوا و انا كنت خارجة بس جيت جنب اللجنة و قلتلهم انا متسألتش خالص
ففي واحد من اللجنة سمعني و قال مين اللي متسألش . قلتله انا و واحد تاني معايا قاله انه متسألش . قال اللي متسألش يقعد . وقعدنا و تسألنا و الحمد لله .
بس الراجل اللي كان سأل في الاول و اللي كان عاوزنا نمشي من غير منتسأل و ضح علي وجهه انه اضايق جدا . فبعد لما خلصت . قلتله معلهش يا دكتور اصلي كنت عاوزة اتسأل انا كمان . راح رد وقالي ولا يهمك مفيش حاجة بس .كان مضايق

انا بقول يمكن كنت هتظلم و ربنا ستر
اصلا ناس كتير قالوا ان الوظايف دي محجوزة و ان الامتحان ده روتين كده علشان المنظر بس
بس انا عندي امل اني اقبل فيها . ادعولي اني اقبل

انا كل لما اقابل حد اكره . ان شاء الله هقرأ سورة المسد

حلمت من فترة . اني ماسكة كوب ماء و لا اتذكر اني شربت منه ام لا
ثم نظرت في قاع الكوب و لا اتذكر ماذا رأيت . و لكني تبينت ان اسرائيل من وضعت السيسي في هذا المنصب
ثم قلت لشخص اعرفه انظر (اقصد ان ينظر في قاع الكوب ) اسرائيل هي من اتت بالسيسي . فقال لي كيف عرفت فاريته الكوب . ثم قال نعم اعلم
و كنت احدث هذا الشخص في موضوع اخر لا اتذكره و لكني اتذكر انه كان لا ينظر إلي