نجوم السماء

انا اسمى نورهان
العمر :23
الحاله الاجتماعيه : مخطوبه
الحاله الصحيه : الحمد لله
الالتزام بامور الدين : متوسطه بحافظ على الصلاه والقرأن والدعاء على قد ما أقدر
وقت الرؤيا : قبل الفجر
كم مضى: اربع ايام
البلد : مصر


انا حلمت انى قاعده فى بيتنا واحنا ساكنين فى دور عالى و قبل الفجر لاقيت عمى جالنا و معاه بنتين صغريين على انهم بناته من امريكا (هو اصلا عايش هناك و عندوا بنتين بس كبار مش صغيرين) و ماما دخلت تحضرله اكل فى المطبخ و البنات فضلوا ماسكين فيا و كل ما اروح فى حته معايا دخلت البلكونه لاقيت السماء لسه ليل و النجوم منوره قوى فى السماء و كان شكلها رائع اووى و فيه منها بيطلع شهب فى السماء و يكتب حروف بالانجليزى و بعدين لاقيت جمله كبيره اتكتبت بس مش فاكراها خالص و لاقيت ناس طالعه من الشباك و بتصور السماء كان شكلها جميل اووى و بعدين دخلت قولت لبابا عشان يشوف لما جه يبص كان ساعه الشروق و السماء بدأت تنور و الصبح بدأ يشقشق و صحيت من النوم على كده.

..الله أعلم...أنا متشوق لأتعلم تعبير هذه الرؤيا...  

حوالي كم اعمار البنتين ؟