ماالله بظلام للعبيد

السلام عليكم ممكن تفسر الحلم دا وجعلها الله في ميزان حسناتك يارب

حلمت صديقتي جالسه علي الارض في صف في الشاارع (كانو الدنيا ليل) طلبت مني اعطيها ماء تلاته  مرات فكنت برد عليها وبقول ليها مابقدر فدعت علي فقلت ليها انتي عارفه لو بقدر مابرفض;  وتركتها وذهبت اتحدث مع الكان خطيبي فجاة تجي صديقتي  وتسوقو مني فاقول ليها بعرف ارجع اتكلم معه, وفعلا المره التانيه يجيني هو ونحاول نهرب من فتحيه بس اول باب قربنا كان اخضر ومن حديد ولكن كان مقفول  يمسكني من يدي ونجري ونتخبا في مكان علشان ماتصلنا ويقول لي احضنيني كده لو شافتنا بتتركنا فاقول ليه احسن تقبلني كده بتقتنع, المهم اشوف تاني ظهرت لينا فجاة .
في المره التالته اشوفو هو الجاني كمان وسايقني من يدي وماشين عادي فاشوف في شابين ينظرو لي ويقولو شوفوها قويه انتصرت عليها فى الاخر, اشوف صديقتي  ورانا بس ماعاجبها المنظر مااعرفها بتشتم المهم عايزه تضرب الكان خطيبي بحجر صغير اشوف بعد ماكان في يساري اخذتو وخليتو قدامي وقلت كده ماتجيهو شي انا النضرب بدلو بس ماوصلنا حجر; فالفت وجهي واقول ليها وماالله بظلام للعبيد.
وصحيت


1-حالتك الاجتماعية _ عذبه
2-طالبه
3-وضعك المادي - تمام الحمدلله
4-التزامك الديني؟  الحمدلله
5-هل الرؤيا بعد استخارة؟ لا
6-نعم عندي هموم بسبب فسخ خطوبتي
8-هل ترقي نفسك؟ نعم كنت ومازلت (كان من سحر وحسد)
7-متى رأيت الرؤيا؟ قبل كذا اسبوع .
ماذا يشغل بالك قبل ان ترى الرؤيا؟ ربنا يدلني على الطريق الصحيح ويقويني اني لا اظلم حد.

9-ما هو الدعاء الذي تدعو به دائما؟ لو خطيبي السابق فيهو خير لي ربنا اجعلو من نصيبي
10-اي شيء ممكن تضيفه و تشعر ان له علاقة بالرؤيا؟
انا كنت مخطوبه رسمي لهذا الشاب وانفصلنا من غير سبب وحاليا صديقتي ( اسمها فتحيه)قالت بتحبو وعايزاهو والحمدلله علي كل حال.
انا فى الغربه وعلاقتي بيهم مقطوعه وفوضة امري لله