حلم خاص فيني

السلام عليكم ورحمة الله وبركاته
حلمت قبل يوم اني انا وزوجي قاعدين على كراسي في مكان عام صالة انتظار ما ادري هي وين ممكن في مطار او مستوصف المهم مدري وين
وانا كنت بحجابي وبعد شوي دخلوا حرمتين وحده كني اعرفها (في الحلم اعرفها بس في الواقع لا )ومعها ثانيه مرافقه لها مدري اختها او صاحبتها المهم تبعها بس شكل الثانيه اكبر من زميلتي شوي اول ما دخلوا كانوا كاشفين وجيههم بس يوم قعدوا بدأوا يتمكيجون وحطوا روج احمر وفاكين شعورهم وكانوا يشتغلون بسرعه كنهم مستعجلين ويتمكيجون ويتكلمون بسرعه مع بعض وانا قاعده اطالع فيه وفي نفسي ناقده عليهم واقول لزوجي شوف كيف يسوون خساره ولما خلصوا قاموا طلعوا من المكان اللي حنا فيه فأنا قلت لزوجي ايش رايك فيهم اقولها من باب الاستنقاص لهم وكمان بعرف اذا عجبوه قال عجبوني وعجبني الخال اللي على خدها وكنه طلع من المكان وراح معهم وتركني
وكنت مقهووره في الحلم وصحيت مقهوره لدرجة نسيت بقية التفاصيل

انا متزوجه
وعندي طفلين
ورجاء اذا التفسير فيه اي شي محرج ارسلوه خاص لان في ناس يعرفوني هنا

وعليكم السلام ورحمة الله وبركاتة

هذا حلم حديث نفس

لغيرتك على زوجك

والله أعلم

جزاك الله خير

العمره انا تمنيتها بيني وبين نفسي والسفر دار كلام بيننا بخصوصه بس مستبعد حالياً بسبب الدّين

جزاك الله خير

طيب الجزء اللي انا ناسيته من الرؤيا هل ممكن يغير التفسير؟  

اختنا الفاضلة.

هل تضعين المكياج لزوجك باستعجال ؟

اذا قصدك اضعه لنفسي لأتزين امام زوجي احياناً باستعجال واحيانا اضعه بمزاج واحيان ما احط اصلاً

إن صدقت الرؤيا فإن زوجك الكريم يعجبه أن تتجملين بالمكياج فلا تضعي له المكياج بسرعة بل أتقني فيه ببطء . والظاهر أن زوجك الكريم يحب الكحل الاسود حفظه الله فلا تكوني سبباً في أن يتطلع لغيرك. والله أعلم

(التعبير ظني وهو بين احتمالين فإما أن يكون أو لا يكون)