حلم فى الحج

رايت انى فى الحرم والحرم زحمة جدا جا فى بالى انى فى الحج بس ما شوفت الكعبة او ما ركزت فيها بمعنى اصح وكان معايا فى الحرم وحدة كانت تدرس معى فى ابتدائى اسمها سهام كانت تطوف معانا ومعها بنتها وايضا كان معايا اخويا اسمه ياسر وصاحب اخويا اسمه السيد على وكان معايا اولادى بس كنت احسهم اصغر من عمرهم الحقيقى مع ان هما اصلا اعمارهم صغيرة 4 سنين وسنتين ونص المهم كانت تطوف معانا سهام وبنتها وبعد كدة اختفت سهام ما شوفتها تانى بس بنتها كانت موجودة فانا كنت خايف على البنت جدا خايف تضيع فقولت خليها معايا لما تيجى امها وانا كنت انتبه لها احس اولادى بيضيعو ابحث عن اولادى احس البنت بتضيع لما فى الاخر مسكت الاتنين مع بعض بس فكرت فين امها راحت وازاى اوصل لها عشان اديها البنت ففكرت ان فى واحد فى بلد سهام دى انا اعرفه اسمه عبد الباسط قولت اتصل عليه اعرفه ان البنت معى وهو يقول لاهل سهام عشان هما اكيد بيكلموها بس معرفش لييه ما اتصلت او يمكن ما لحقت لقيت الشرطة جاية تدور على سهام او البنت الشرطة كانت سعودية بلبسهم المعروف ومعاهم واحد مصري لابس لبس عادى هما كانو هياخدو البنت فانا كنت خايف عليها جدا ومش عاوزهم ياخدوها فضل المصري يكلمنى مش فاكر الكلام بس كان بيطمنى انا كنت اتكلم معاه ومرتاح بس لما مشي ذاد خوفي على البنت الصغيرة وكنت ابكى بشدة عليها وصحيت من النوم لقيت دموع في عيونى فعلا وخلص الحلم
دى

هل تفكر تاخذ عمرة قريباً او تحج هذا العام ؟

نعم انوى الحج هذا العام واحيانا افكر فى التاجيل للعام القادم لكن النية الى الان هى الحج هذا العام

إن صدقت الرؤيا فإن الرؤيا تحثك حينما تعتمر أو تحج بأن تكثر الدعاء أثناء الطواف واثناء صلاتك من الآن بأن يحفظ لك ابنائك وابناء الناس. وهذا الدعاء بإذن الله يرد قضاء فيه ضياع لطفل ما يحزنك أمره. والله أعلم

(التعبير ظني وهو بين احتمالين فإما أن يكون أو لا يكون)