حلم الطائِرة

حلمت ان فيه طائرتين جمب بعض
والطائرة اللي جمبنا مليانه ناس
وطائرتنا اللي بنسافر فيها
مافيها الا انا وابوي وخالي واخوي
وحرمة ما اعرفها !!
الحرمة هذي طلعت من الطائرة
وشوي جات تبي تركب وسكروا البوابه
قلنا لها ادخلي فيه وقت وكانت تقول لا خلاص خيرة
يمكن بتطيح الطيارة

المهم اقلعت الطيارة وفجاة صرنا بدوامه وتروح يمين ويسار
وانا خايفة مره وقلت مابي اموت الا وانا ضامه ابوووي
وارججع بقوة على ذيل الطائرة
وفجاة القى نفسي بحطام واقوووىم ادور اللي معي
وما القى احححد واشوف معي احد بس ماادري ممين؟
المهم جلست ادور بالحطام عن اهلي
مالقيت الا جزم اكرم الله القارئ
وجوال اخوووي !
هنا قلت خلاص اخخوي هو اللي مممممات
واجلس اصصصصصيح وانهرت صياح
قلت بككلممم امي اقولها ان اخوي مات
قالت وحدة معي لاااا لاتكلمينها
هي حامل ومو زين عليها الخوف !
قلت طيب
ورجعنا البيت وانت متاكدة وجازمة ان اخوي هو اللي مات
وجلست بالبيت اصيح من مكان لمكان واقول ياليت اخوي ميت على صلاة او شي ينفعه بس هو مات مايصلي ولا شي .
اخر شي خالي وقف عند فتحت الباب وناظرني ونزلت دمعتة ومسحها
وانتهى!!!!

كيف هي حالتكم المادية وهل أخيك عاطل عن العمل وهل يمر بظروف صعبه

حالتنا المادية متوسطة
واخوي يدرس بالثانوية
ونعم يمر بظروف صعبة .

ما شاهدته في النوم وهي مهتمه بالاصل بمشاكل او حال اخوها .. فهي رؤيا من النفس .. وتاويلها .. موت اخوها خروجة من المشاكل والصعاب الي يعاني منها .. والطائرة سفر او رحلة لها او لاخوها او عمل بلخارج .. جوال اخوها .. عدم انقطاعها على التواصل مع اخوها ونصحه وودها له

وهناك تاويل اخر .. رسوب اخوها في الثنوية وهاوشة مع ابوه يطرده من البيت


هذا والله اعلم

شكراً وجزاكم الله خير
وان شاءالله ينجح اخوي
ومايصير لهدرجة ابوي يطرد
اخوي من البيت عشانه رسب هههههه
ربي يوفقه وينجحه ويستر عليه

مشاعل تذكري حديث رسول الله صلى الله عليه وسلم ((وَإِنْ رَأَى مَا يَكْرَهُ) (7) (فَإِنَّمَا هِيَ مِنْ الشَّيْطَانِ) (8) (فَلْيَتَحَوَّلْ عَنْ جَنْبِهِ الَّذِي كَانَ عَلَيْهِ) (9) (وَلْيَنْفُثْ [وفي رواية: وَلْيَبْصُقْ] (10) حِينَ يَسْتَيْقِظُ (11)) (12) (عَنْ يَسَارِهِ) (13) (ثَلَاثَ مَرَّاتٍ} (14) {) (15) (وَلْيَتَعَوَّذْ بِاللَّهِ مِنْ شَرِّهَا وَمِنْ شَرِّ الشَّيْطَانِ) (16) (الرَّجِيمِ ثَلَاثًا) (17) (وَلْيَقُمْ فَلْيُصَلِّ) (18) (وَلَا يُخْبِرْ بِهَا أَحَدًا) (19) (وَلَا يُفَسِّرْهَا) (20) (فَإِنَّهَا لَنْ تَضُرَّهُ)

هذه تحزين من الشيطان لقلك على اخوك .. لا تقدم ولا تاخر .. تعوذبي من الشيطان .. وخذيها قاعده اي حلم طويل لا يفسر .. الي يفسر الي ياتي بسرعه البرق عباره عن عشر كلمات او سطر .. هو الي يقع

هذا والله اعلم

جزاك الله خير

إذا اخوك مسبب لكم مشاكل اويطلع مع عيال سرابيت صيع من هذا القبيل إن شاء الله ينصلح انت تحبي اخواك كثير وتخافي يصير فيه شي وكذالك تفكري في أمك يصير لها شي إذا خوك صارله شي هذا والله اجل واعلم

ياررررب الله يسمممع ممنك ياوب الله يهدية ويصلحه
ادعوا لخوي
وشباب المسلمين ان الله يصلحهم ويهديهم :(

يارب*