حلمي بقريبي، اتمنى من الفاضله حواء ادم او كل من مختص بالتعبير

السلام عليكم ورحمة الله


رأيت في منامي، إن احنا مجتمعين ويا خوالي كلهم في مكان كبير .. وانا كنت قاعده مع البنات،. بعدها قلت مدام احنا بنروح لبيوتنا بعد شوي بروح اريّح فالسياره على ماتخلصون... ورحت امشي بين كل السيارات وماوقفت الا عند سيارة خالي من الرضاعه، فركبتها واشوف جمبي كيسه كلها تيلفونات امي وخالتي واغلب الحريم.. فجأه جاء ولد خالي ركب السياره يبي يسوق، وانا وراه في الكرسي اللي وراه على طول،، قلت لاتمشي وانا معاك ايش بيقولون عنا اذا شافوني معاك وبعدها جات اختي الاصغر واركبت معانا.. وقال عادي مو متأخرين بنفر هالمنطقه ونرد لهم وكمل مشي وقفنا عند محطة بنزين وعبئ السياره بعدها شغّل انشودة مادري شيله، حزينه فيها عن الفراق كسر خاطري حسيته يقصدني فالمنام لان طول قعدتي فالسياره كان يتجاهلني وكأنه زعلان مني.. قلتت له الله احب هالانشوده تذكرني ب اخوي يحبها وسكت وكملنا مشي بعدها سألت وتجرأت قلت متى بتتخرج ؟ قال ٣٠/٥ قلت يعني الشهر اللي راح قال ايه وانا منصدمه قلت الف مبروك يارب وعقبال الوظيفه.. ورد علي بصوووت خافت ماينسمع الله يبارك فيك..
بعدها لما وصلنا عند اهالينا لقيناهم يرتبون اغراضهم عشان كل واحد بيروح بيته.. ووقف ولد خالي ومعاه اوراق فيها صورة ورد فوشي يقصّصهم بشكل مرتب قلت وانا نازله من السياره هذيلا عجبوني قال ايي ادري فيك تحبينهم وسويتها لك وورقه ثالثه كاتب اسمي واسم اخوي واختي واخذت الاوراق وصفطتهم ورحت للبنات، ورحت ارواي اخته، وكأنها مو عاجبها الوضع ليش اخوها بيّن اهتمامه لي.


انتهى
الرؤيا اليوم
ولد خالي من الرضاع، اعزب واتوقع باقي له فصل دراسي ويتخرج
بالاضافه هو كان متقدم لي فالماضي ورفضته
وكان يحبني حسب ماعرف
وكسره رفضي له الله يعوضه
وانا مخطوبه الان لشخص آخر الله يوفقنا

السلام عليكم .الرؤيا و الله أعلم من حديث النفس تعكس قلق عندك من أشياء تضايقك .ركزى على أهدافك ولا تشتتي فكرك فى أشياء لا تغنى ولا تسمن من جوع والإنسان يتقدم للامام و لا يعود خلفه ويبتعد عن الاحلام و الأمانى ويعيش الواقع .موفقة بإذن الله .
الله يحميك ويرعاك و يحفظك و يسددك و يسعدك .