السلام عليكم أخي صائد .. أرجوووك اريد تعبير رؤيا للوالدة !!

بسم الله الرحمن الرحيم
السلام عليكم ورحمة الله و بركاته


ارجوا تفسير هذه الرؤيا للوالدة الغالية وجزاكم الله خير !
سوف اسوق الرؤيا على لـسان أمـي و كأنها هي المتكلمة .. مع بعض التصرف في اللغة حتى تكون مفهومة !

تقول الوالدة

أولاً هناك رؤيا قديمة كنت اراها وتتكرر علي بين فترات متباعدة .. واول مرة رايتها تقريباً كانت قبل اكثر من 15 سنة !!

وهي اني أرى اني في بيت وسيييع جداً لا أرى نهايته ولا استطيع عد الغرف فيه وهو بيت شعبي بوية الجدار ( البوية = الدهان ) من داخل لونها اخضر .. وبه اثاث و اواني و مواعين قديمة او تراثية !

اليوم رأيت الرؤيا لكن فيها تغييرات :-

رأيت اني في نفس البيت مع زوجي و اثنين من اولادي ( احدهم أكبر الذكور و اسمه محمد والآخر أوسط تقريباً و اسمه أحمد ) .. رايت و كأن البيت أوسع من قبل ( من الرؤيا القديمه )

ولما سالت رجل عن مساحته ( كان هذا الرجل يفرجنا ع البيت ) قال : مساحته من الرياض الى مكة .. و رأيت البيت متغير وجديد وبه اثاث جديد ( عكس الرؤية القديمة ) و مفروش

( عكس الرؤيا القديمة لم يكن مفروش ) والغرف فيه كثيرة و غير متساوية في المساحة كل غرفة اكبر من الثانية مع اني ما شفت الغرف كلها لمساحة البيت الكبيرة ..

و الحمامات فيه كثيرة جدا و وسيعة و مزخرفة و جميلة و لها درج ( سلم ) قصير او يعني تقريباً خمس درجات عكس الغرف ما عندها درج .. والغريب ان دخول الحمام

يكون من عند الدرج من ورا من الخلف لكن الخروج من الامام .. وعند كل حمام شجرة .. وكان يحيط البيت على مساحته الكبيرة اشجار طويلة و كثيرة ..

و كان في حوش البيت مرعى خضراء ( عشب أخضر ) طويلة جداً اطول مننا و ربما تصل الى نصف الشجر .. فجاءنا رجل و قال لي : اكلي اولادك من هذه المرعى

لان علاجهم فيه و بيشفون ان شاء الله .. بعدها

قال زوجي : يله نروح ( وكان يقصد نرجع بيتنا في الواقع ).. فقلت : لا هذا بيتي .. فقال: يعني بتجلسين هنا لحالك ؟ .. فقلت : لا ماني لحالي بناتي بيجون

( وكنت اقصد بناتي المعوقات ) .. وبعدين راحوا كلهم زوجي و اولادي و رجعوا للبيت وخلوني لوحدي في البيت هذا .. وبعدين جت عندي في البيت صديقة لي

اعرفها من زمان من الطفولة ( ولدنا في سنة وحده ) .. فجلست معي و سولفت معي وقالت لي : ابغى فلوس عشان اشتري بضاعة و ابيعها بمكسب و نقتسم الارباح

فقلت لها : لا ماني معك ( لاني حسيت اني ماني محتاجه) لكني بساعدك .. وكان معي ذهب كثييير جداً مربوط في قطعة قماش سوداء و بقي بس في يدي سوارتين

وحده في اليمين و وحدع في الشمال .. وكانت السواره الي في الشمال ثمييينه جدا و اثمن من الي في اليمين .. فطلعت هذي السواره الثمينة ( الي في الشمال )

و اعطيتها وقلت لها هذي هديه .. وانا في بالي اني ابغى اساعدها بس قلت لها هدية ما قلت مساعده لاني خفت تستحي او ترفض و ما تاخذها اذا قلت مساعده ..

وقلت لها: هذي ذهب هدية مني لك .. فردت علي و قالت : لا هذي ماهي ذهب هذي معدن .. فزعلت كثيييير و حسيت انها كسحتني فرجعتها في يدي وماعاد اعطيتها ..


و صحيت من النوم وانا حاسة اني فرحانه جداا واني متفائلة انا رؤيا خير



عمر الوالدة فوق الخمسين سنة !


وللعلم احنا عندنا ظروف صعبة .. عندنا ست اولاد مرضانين بنفس المرض ( ثلاثة اولاد و ثلاثة بنات ) من ولادتهم !
وهم شبه معاقين تقريباً بالنسبة للذكور .. اما البنات فهم معاقات تماماً ..بس فيه غيرهم بخير و لله الحمد

( محمد ) الي في الرؤيا كبير الذكور بخير ولله الحمد ما عنده نفس المرض و عمره 24 او 25 .. ( احمد ) الي في الرؤيا من المريضين بالمرض وهو شبه معاق يعني وعمره 18 تقريباً !

تقول الوالدة لما قلت : ( بناتي بيجون ) كان قصدي البنات المعوقات


احنا الان نسكن في احد محافظات منطقة جيزان بالسعودية